Neiigkaite

Kinder-Charivari mit de Krach-Schnyyge

S disjeerige Programm vom Kinder-Charivari haisst «Ärger mit de Räpplimaschine» und mir wärde dr Fasnachts-Nochwuggs während de vier Vorstellige voller Fraid musikalisch unterstitze. Wenn IIr also mit eyrne Binngis an e Voorstellig kemmet wurde mir uns natiirlig riisig fraye. Dr Vorverkauf für d Billets startet am Samschtig, 14. Dezämber 2019 an dr Theaterkasse, im Migros Claramärt und im M-Park Dreispitz.  S Billet koschtet numme grad CHF 15. Alli witere Informatione zum Kindercharivari findet Iir uf dr offizielle Website: www.kindercharivari.ch

Uftritt vo de Schnygge-Chläus

Geschtert hän mr in dr wunderscheene Adväntsgass im Glaibasel derfen e baar Lieder spiile. E gross Danggscheen an dere Stell nomol an d’Organisatorinne und speziell au an d Fasnachts-Stube wo mr vu de Schnurebegge e Bierli offeriert bikoo hän.Mer kemme neggscht Joor gärn wieder und winschen allne witerhii  scheeni Adväntszyt.

D Schnygge in dr Adväntsgass

Bereits zum fimfte Mool het d Adväntsgass am 26. Novämber sini Tor geffnet. Au mir Krach-Schnygge deerfe disjoor e Dail wärde vo dämm vorwiehnächtliche Zauber in dr Rhygass. Mer trätte nämligg am Zyschtig, 3. Dezämber um ebbe 20.30 Uhr bim Stand vo dr Fasnachts-Stube uff. Wie immer fraie mir uns iiber jede wo uns kunnt ko loose. Witeri Infos fidnet der do: https://www.advaentsgass.ch/ Mer winsche jetzt scho alle e scheeni Vorwiehnachtszyt.🎅🏼🌲🎁

S TeleBasel brichtet iiber d Schnygge

Unsers glaine Wäärbevideo isch seer schnäll und seer vyyl gluegt, dailt, gliked und dr sänf drzue gee worde. Au s TeleBasel het sich inträsiert fir de Hindergrund und d Idee vo dämm Video und e spannende Bricht uff siinere Website vereffentliggt. Dr Link derzue findet me do: TeleBasel Mir sind sind gliggligg und danggbar für…
Read more

D Schnygge sueche Verstärkig

Mir fraien uns iiber Intressierti wo gärn emol würde aggtiv Fasnacht mache. Me muess kai musikalische Iiberflieger si zem by uns mitmache au wenn e gwiisses Taggtgfiehl sicherlich nit falsch isch. Bi uns stoot dFraid am musiziere und s Zämme si im Vordergrund. Wenn du also uf dr Suechi bisch nach emme Fasnachtverein mit e…
Read more

D Schnygge-Stückli uf Spotify

Ab sofort könnet der alli Originalversione us em musikalische Repertoire vo de Krach-Schnygge 1964 ganz bequem uf Spotify lose. Gärn könnet der au dr Playlist folge, die wird nämlich laufend aktualisiert und jewils mit de neuschte Stückli ergänzt – perfekt zum Bispiel für e langi Autofahrt. Eifach uf dä Bitrag klicke, inelose und gniesse. Dr…
Read more

Partnerfasnacht mit de Primidoofe Clique

Mit grosser Freud könne mir bekannt geh, dass mer an dr Fasnacht 2020 wieder mit de Waggis vo de Primidoofe Clique Basel 1991 zämmespanne und gmeinsam uf dr Fasnachtsroute unterwägs sin. Das freut uns alli usserordentlich und Vorfreud wird grad nomol grösser.

Probeweekend

Friener wie in andere Joor sin mer am 31. Auguscht und 1. Septämber uf em Wiriehorn im Proobeweekend gsi. Die ganz Motivierte sin bereits am Fritigobe agreist und hän uf em Bärg die erschte Tön vo sich gä. Am Samschtig am Punkt 10ni hän mer denn agfange proobe, unter anderem au die vier neue Stückli…
Read more

Generalversammlig

Mit dr 55. Generalversammlig hän d Krach-Schnygge 1964 e ufregends Fasnachtsjoor abgschlosse. Im Käller vom Resaurant Linde, hän mir s Joor nomol Revue passiere lo mit all sine Uftritt und sunstige schöne Momänt. Bis uf unsere Vize-Obmaa Peter Letze wo sis Amt disjoor an Marco Grosch abge het, isch dr ganzi Vorstand eistimmitg wiedergwählt worde.…
Read more

Bummelsunntig

Bis zur Besammlig am viertel vor 9ni im Restaurant Steibock het no niemerts usser em Bummel-OK gwüsst wo’s ane goht. Au bim Abmarsch Richtig Bahnhof hän die meischte no gmeint, dass mer demnächst in näggschte Zug istiege. Mer sin den aber wiiter und bim Dorebach-Viadukt hets bi de meischte den *Klick* gmacht. Mer hän unsere…
Read more