Vordraab

Christine Stocker

Vordraab-Scheffin

Nicole Schaub

Gaby Egli

Nicole Massarenti

Sandra Schaub

D Gschicht Vom Vordraab

Im Joor 1984 hän d’Schnygge dr 20. Geburtsdaag gfiirt und zem erschte Mool isch e Requisit mitere grosse Geburtsdaagstorte und eme-n-e Vordraab mit de alte Schnygge-Goschdym an dr Fasnacht mitgloffe.

Die 19 Vordrääbler sin d’Fraue, d’Frindinne oder sunschtigi Frinde vo de Schnygge sälber gsy. Es isch e grossen Erfolg und dr Blausch gsy. Dr Verain het drno abgschtummen und e Meerhait isch drfir gsy, ass das kynftig duet bybhalte wärde. Zem 25 Joor Jubiläum im 1989 het dr Mario, en Aggdiiv-Mitgliid, zem erschte Mool e Ladäärne gmoolt, drmit me au am Morgeschtraich het kenne mitlaufe. Us de Raie vo de Schnygge het sich e Grubben us Drummler und Piccolo Schpiiler bildet. Eso hän d’Schnygge denn fir e baar Joor am Morgeschtraich kenne mitwirgge. Esoo isch denn s’Schnygge Ziigli gryndet worde us de Piccolo Schpiiler und e baar witere Kolleginne vom Trudy. Dangg däm het me d’Ladäärne au witerhin am Morgeschtraich kenne bewundere. Laider het sich das Schnygge Ziigli nach ca. 8 Joor wiider ufglèèst ka.

Dr Vordraab isch de Schnygge aber bis hytt erhalte bliibe und laischtet e jedi Fasnacht sy wärtvolle Dienscht fir dr Verain.

Dr Dangg goot an Trudy Straumann, fir d’Ufarbeitig vo däre Gschicht.